31. De sancto Alexio.

1. Ut inter spinas lilium
Beatus Alexius
Iuxta Christi consilium
Floruit prospectius,

2. Mundanas dum delicias
Affectu toto sprevit
Et ad veras delicias
Anhelare decrevit,

3. Sequens Christum humiliter
In hac vita mortali,
Cum quo nunc gaudet iugiter
Gaudio aeternali.

4. Licet honore fulserat
Terrenae dignitatis,
Cordintime contempserat
Amator castitatis.

5. Propter Christum portaverat
Onera paupertatis,
Quem intime dilexerat
Dulcore suavitatis.

6. Hic in praesenti stadio

Cum hoste trino dimicat,
Accinctus Christi gladio
Fortiter et superat.

7. Spe, fide caritateque
Viriliter armatus,
Quarum firmo tutamine
In bello confortatus.

8. In tali sic militia

Hostes suos stravit,
Vitam per exercitia
Virtutum conrummavit.

9. In domo patris latuit
Et vilis reputatus,
Inter sanctos, ut patuit
Post mortem, deputatus.

10. Te deprecor, piissime
Amice Iesu Christi,
Me peccatorem dirige
In ista valle tristi.

11. Spatium paenitentiae
Clementer impetrare
Apud regem clementiae
Digneris et donare,

12. Ut ista transitoria

Valeam pertransire,

Tecum aeterna gaudia

In aevum possidere.