33. De sancto Andrea,

1. Salve, lumen radiosum,

Novum sidus luminosum,

Lumen dans fidelibus,

Andrea, Christi famulus.

2. Salve, crucis praedicator,

Verbi Dei seminator,

Per virtutem sanctae crucis

Praesta nobis viam lucis.

3. Salve, salutis nuntius,

Mundo missus divinitus,

Regnum Dei praedicare

Et, quod iustum sit, amare.

4. Salve, vivus aquaeductus,

Quem non laesit maris fluctus,

Nec tempestas nec procella,

Neque minae neque bella.

5. Salve, miles Christi fortis,

Nam de portis dirae mortis

Multam gentem attraxisti

Per virtutem crucis Christi.

6. Salve, vitac verus testis,

Dulcis sonus et caelestis,

Lucerna fide fulgida,

Laeta pandens gaudia.

7. Salve, caelestis cithara,

Sonorosa, melliflua,

Per quam evangelium

Corda replet fidelium.

8. Salve, praeco summi regis,

Fulgens forma novae legis

In valle hac miseriae

Iter pandens gratiae.

9. Salve, oliva pietatis

Toti mundo stillans gratis

Oleum laetitiae

De vena fontis gratiae.

10. Salve, doctor veritatis,

Per virtutem caritatis

Multos Christo sociasti,

Quam in corde conservasti.

11. O amator crucis Christi,

In qua Deo obtulisti

Corpus tuum tam beatum

Propter Christum Dei natum.

12. Quem cernebas tunc prae-

sentem

Cum suis sanctis venientem

In divina maiestate

Magna lucis claritate.

13. In qua luce tradidisti

In pias manus Iesu Christi

Tuum sanctum spiritum

Ad praeparatum gaudium.

14. Post occasum huius lucis

Nobis fructum sanctas crucis

Cum beatis propinare,

O Andrea, Christi care.