34. De sancta Anna.

1. O beata mater, Anna,
Plcnae matris gratiae,
Quae mundo non parit manna,
Sed fructum laetitiae.

2. Panem, inquam, angelorum
Sola virgo parturit,
Quae delicti nescit thorum,
Mea quem mens esurit.

3. Tibi supplex preces fundo,
Tu eas suscipias
Et malorum de profundo
Me clemens eripias.

4. Roga, mater, matrem Christi,
Quae virago genuisti

Incorruptam virginem,
Ut haec sancta genitura
Oret pro me prece pura

Et Deum et hominem.
5. Quae conservet in me gratum
Caelibemque famulatum,

Ut sibi complaceat
Et me semper illibatam
Sponsam tibi consecratam

Homo Deus habeat.

6. Ad nepotem tuum clama,
Sicut tua clamat fama,

Ut me nunquam deserat,
Sed reformet signis datis
Ornamentum castitatis,
Quod a morte liberat.

7. Anna felix, Anna dives,
Inter summos caeli cives,

Quae vocaris gratia,
Fac, ut grata vivam Deo
Castitatis cum tropaeo
Stricta sponsi fascia.

8. O parentis sanctae parens,
Quam Iudaea pluit arens

Irrigata caelitus,
Quae de spina es formosa,
Et est nata de te rosa,

Qua Deus est genitus.

9. Pulchre Sion in supernis
Adplaudunt iuvenculae,
Laudem bonis ex aeternis
Dant adulescentulae.

10. Nam congaudent de te natam
Et laudant praeconia,
Hancque prolem propagatam,
Quae restaurat omnia.

11. Ora, mater, ora Deum,
Regem caeli, regem meum,

Ut conversis moribus
Ei possim militare
Et ut rosa pullulare

Procreatis floribus.

12. Si me nequit humilis
Salvare virginitas,
Casta, licet fragilis,
Me salvet humilitas.

13. O praeclara stella poli,
Elongare a te noli,

Quae te vocat iugiter,
Quae te rogat, sis rogata,
Quae te orat, sis orata
Huic misericorditer.

14. Ora pro me filiam,

Quae est mundi domina,
Ut per Christi gratiam
Mea solvat crimina,

15. Ne per avaritiam

Inflectar ad idola,
Sed per continentiam
Fiam quasi viola.

16. Inter sacras virgines

Floream ut lilium,
Quae sequuntur caelibes

Agnum, Dei filium.
17. Angelo annuntiante
Ioachim cognovit ante,

Quod Mariam pareres,
Quae est dicta stella maris,
Ut beatior dicaris

Super omnes veteres.
18. Clamaverunt omnes vae, vae
Generationes Evae

Ad haec usque tempora,
Cum de viro concepisti,
Vires unde infixisti

Coutra hostes robora.

19, Impetra mihi virtutem,
Quae et prosit ad salutem

Et ad vitae praemia,
Ut contempler vultum Dei,
Quo lux clara est diei
Post devicta proelia.

20. Quod non potest omnis Iuda,
Illam, Anna, carnem suda,
De qua verbum factum caro
Leto subiacet amaro.

21. Salomonis patri David
Deus istud reservavit
Vitae privilegium,
Ut esses de carne sua
Et Christus de carne tua
In forma mortalium.

22. De Moab Ruth, Thamar aeque,
Harum fuit rea quaeque,
Et haec, quae fuit Uriae,
Tua parens et Mariae;

23. Ne desperent peccatores,
Si convertant pravos mores,
Paenitentes dant exemplum,
Sint quam gratum Deo tem-
plum.

24. Hac ergo fiducia
Precor, ut iustitia

Me velis induere,
Quia nullo spatio
Est sera conversio,
Si purgetur scelere.

25. Sicca tellus aruit,
Tamen nullus maduit,
Et siccato vellere
Locus madet areae.

26. Sic ludaea primitus
Est infusa caelitus,
Aruit quae propere
Suo cocta scelere.

27. Sed turba gentilium
Sequens Dei filium
Madet tincta chrismate
Et lota baptismate.

28. Ista nobis unctio,
Ista benedictio
Per te, mater, adfluit,
De qua virga floruit
Tollens mundi scandalum,
Germinans amygdalum,
Cuius fructus infinitam
In supernis parit vitam.

29. Unde Deo, mater Anna,
Proclamandum est Hosanna,
Qui per tua nos merita,
Quae nobis sunt indebita,
Coronet post victoriam
Et praestet caeli gloriam.

85. De sancta Anna.

1. O Anna dulcissima,
O felix matrona
O coniunx beatissima,
Coniugii corona.

Per tuum nam coniugium,
Quod est sanctificatum,

Est miseris refugium
A superis allatum.

2. O felix nativitas.

Dum spina parit rosam,
Tu, fidei festivitas,

Fers prophetarum glosam,
Prophetarum glosulae

Completae sunt in illa,
Et nomen huius rosulae

Maria, mellis stilla.

3. Haec generosa filia,

Quam tu paris, Anna,
Cui caeli supercilia

Subsistunt post et manna,
Tu convallis Ulium

Paris, Anna, Mariam,
Maria parit filium,

Qui regit hierarchiam.

4. De tali puerperio,

O mater matris, plaude,
Nepotis de imperio

Tu, felix Anna, gaude,
Tu radix Iesse florida,

De qua radice crevit
Frondosa florens virgula,

Super quam requievit

5. Spiritus prudentiae,

Spiritus timoris.
Pneuma intellegentiae

Et caelici amoris.
Cum ceteris virginibus

Refulget fallerata,
Sub umbra sancti spiritus

Notatur fecundata.
6. Ob huius dulcis filiae,

Anna, dilectionem
Peccatorum intime

Peto remissionem,
Salutis fer munimina,

O Christi dulcis ava,
Et abstergendo crimina

Hysopo munda, lava.
7. Tu filiam in gremio

Fers, gerit nata natum,
Hoc salutis praemio

Das saeculum beatum,
De bonis operibus

Firma, salva, bea
Divinisque muneribus

Cor mundum in me crea.