36. De sancta Anna.

1. Ave, mater virginis,

quae lactavit Iesum,
Ipsum roga propter nos

hic flagellis caesum,
Meum ut custodiat

spiritum illaesum,
Nam erranti animae,

heu, non bene praesum.

2. Noli me despicere

miserum, indignum
Filiaeque filium

mihi fac benignum
Et me sibi facias

semtorem dignum,
Quod evadam daemonum

spiritum malignum.

3. Nato tuae filiae

pie me commenda,
Ut quando sententia

fuerit ferenda
Extremi iudicii,

mea tunc ducenda
In caelum sit anima

sanctis congaudenda.
4. Anna pracclarissima,

placa tuam natam
Nobis peccatoribus,

ut post hanc sublatam
Vitam nos ad patriam

ducat praepavatam,
Quod possimus cernere

faciem beatam.

Iesu bone, sic dispone

horam mei exitus,
Ut ad chorum angelorum

meus pergat spiritus,
Ubi tuam faciem

gaudeam contemplari,
Daemonum sed aciem

penitus aspernari,
Ut nulla dissensio

spirituum beatorum
Et nulla confusio

daemonum malignum.