37. De sancta Anna.

1. Ave, Anna, laude magna,
Mater matris summi patris,

O sublimis gloria,
Stirpe David procreata,
Nos salvavit ex te nata

Mater Dei, Maria.
2. Nos credendo id laudare
Et laudando plus amare

Fac, origo gratiae,
Unde coepit fides sana
Et percepit mens humana

Fontem sapientiae.
3. Virgo de te procreatur,
Per quam venit, qui solatur

Omnes in martyrio,

Regis mater generatur,
Per te, Anna, ablactatur

Caelico cibario.
4. Multis multa haec largitur,
Salus vera hic partitur

Omnibus fidelibus ;
Virgo mater, Iesu bone
Omnes mortis in agone

Aptate caelestibus.
5, Nos credentes, mater, audi,
Assistentes tuae laudi

Iuva beneficiis,
Tu, quam scimus exaudiri,
Fac nos omnes inveniri

Tecum in deliciis.

6. Eia, Anna, nunc accede,
Roga natam nec recede,
Donec nepos nos a sede
Sancta sua viserit.