41. De sancta Anna.

Salve, sancta Anna,

Vitae vena, florens palma,

Mater alma,

Domina mitis,
5. Pulchra vitis.

O beatissima Anna,

Tua cum progenie laetare!

Quare ?

Quia genuisti
10. Mundo virginem Mariam,

Matrem Iesu Christi;

Ergo gaude,

Digna laude.

O Anna, pelle proelium,
15. Dele moles criminum.

Pacem cunctis praesta,

Qui celebrant tua festa,

Dexteram tuam extende

Et te invocantem defende
20. Ab omni periculo.

Domina serena,

Pietate plena,

Formosa tota,

Mea suscipe vota.

25. Me gemens flendo

tibi, Anna, semper commendo.

O digna coli,

Relinquere me noli.

Anna, vale, dulcis et decora,
30. Pro me semper Deum exora.

Tu nos, Anna pia,

benedic cum prole Maria.

Gaude, Anna,

Vitae vena, florens palma,
35. Mater alma,

Domina serena,

Pietate plena,

Tu quae sola meruisti

Esse mater matris Christi.
40. Ave, felix [mater] Anna,

Per te nobis detur manna,
In caelesti patria,

Fac, ut fructum videamus

Tui ventris et dicamus:
45. Ave, plena gratia.

O mater Anna nobilis,

Oliva pulchra, fertilis,
Alto fructu fecunda,

Beata, cuius ubera
50. Suxit virgo puerpera

Ab omni labe muuda.

Anna, mater egregia,
Conserva Dei gratia
Nos a morte secunda.