46. De sancta Augustino.

1. Ave, pater Augustine,

Doctorum clarissime,
Sapientiae divinae

Doctor invictissime,
Tu flos florum Africae,

Patria quae datur
Tibi et magnifice

De te gloriatur.

2. Karthago te puerum

Dedit et togata,
Qui natus es Monica

Matre, Deo grata,
Et patre Patritio,

Bonis et praeclaris,
Sanctorum iudicio

Deo valde caris.

3. Quorum cura procuratus
Artibusque decoratus

Dictis liberalibus,
Ab Ambrosio renatus
Post hoc atque perornatus

Scripturis legalibus.

4. Mox ut Christum induisti,
Christo semper servivisti

Totis tuis viribus,
Caritate vera plenus,
Semper pius et serenus

Christi membris omnibus

5. Ave, doctor luminose,

Fidei praesidium,
Vincens falsos gloriose,

Fer nobis auxilium,
Malleus haereticorum

Tu es validissimus
Expurgator et errorum

Tu luculentissimus.

6. Ave, pontifex Hipponae,
O magister et patrone
Summe bone, nos coronac

Iungas in caekstibus.
Ave, sacer Augustine,
Qui cum Christo sine fine
Gaudens vivis caeli civis

Cum supernis civibus.

7. Ave, praesul Deo digne
Signo crucis, vas insigne,
Vas praecelsae gloriae,
Nectare vas es imbutum,
Vas cunctarum es virtutum
Et sanctac memoriae,

8. Ave, fulgens in Papia,

Summum decus praesulum.
Augustine, de sophia

Qui sumpsisti poculum
Summi patris, quo nos atris

Absolvis erroribus,
Et scripturae lumen purae

Ministras fidelibus.

9. Ave, gemmis pretiosis

Aureum vas perornatum,
Nam scripturis pretiosis

Te fecisti sanctis gratum,
Velut luna plena pleno

Micuisti lumine,
Immo quasi sol fulsisti

Corde pleno numine.

10. Domum Dei sublimasti,
Decorasti, roborasti

Verbis et operibus;
Unde iure collaudaris,
Honoraris et amaris
A cunctis fidelibus.

11. Nunc adesto tuis natis,

Quos in Christo genuisti,
Fac consortes sanctitatis

Christi nos, ut docuisti,
O sacerdos Augustine,
Fac nos gratiae divinae
Natos esse sine fine