47. De sancto Augustino.

1. Clarum, pater Augustine,
Laudis habens titulum,
Sanctitatis et doctrinae
Singulare speculum.

2. Sis pusilli memor gregis,

Praesul, lumen praesulum,
Quem nunc pascis, quem nunc
regis
Dans scripturae pabulum.

3. Non relinquens in scripturis
Obscuris operculum,
Diligenter de lecturis
Omnem tollis scrupulum.
4. Iure praesens veneratur
Et miratur saeculum,
A quo sibi vitae datur
Et cibus et poculum.

5. Civis prius Babylonis
Sequebaris idola,
Tencbrosae regionis
Tenebrosus accola.

6. Sed vocaris et mutaris
A prisca taetredine,
Postquam verbi salutaris
Illustraris lumine.

7. Deo soli, patri, proli
Flaminique gloria
Sit perennis pro sollennis
Diei laetitia.