55. De sancta Barbara.

Iesu Christi famula,

Barbara beata,
De nobili genere

paganorum nata,
5. Propter pulchritudinem

in turri locata,
Christiana facta est

Deo inspirata,
Ita quod simulacra
10. muta confutaret
Et fidem catholicam

clare praedicaret.
Tunc pater idolatra

ipsam verberavit
15. Tradiditque praesidi,

quem et adiuravit,
Ut eam suppliciis

variis necaret,

Nisi diis hostiam
20. libens immolaret.
Sed sancta dum iudici

nollet consentire,
Nervis iussit teneram
taurinis ferire
25. Et corpus crudeliter
fecit laniari,
Mammillas virgineas

eius amputari.
A patre finaliter
30. virgo decollatur
Et tali martyrio

Christo consecratur.
Rogamus nunc, Barbara,
o virgo decora,
35. Nobis patrocinium

fer mortis in hora,

Qui sacrum martyrium

tuum honoramus
Et opem, ut adiuves,
40. pie flagitamus,
Hoc enim a Domino

Deo impetrasti
Et te invocantibus

facto demonstrasti.
45. Nam quidam pericula

mortis inciderunt,
Et tamen nullatenus

mori potuerunt,
Nisi tuis precibus,
50. meritis obtentis
Mererentur refici

Christi sacramentis.

Sic nobis in obitu

velis subvenire,
55. Contra mala omnia

ita nos munire,
Ut aeternae gloriae

capiamus bona,
Cum nobis dulcissima
60. data sis patrona.
Tuum sponsum cupimus

Iesum hic amare,
In saeeulum saeculi

Tecum hunc laudare,
65. Cantare cum angelis

dulce iubilamen;
Illuc duc nos, Barbara,

Christi martyr. Amen,