56. De sancta Barbara.

1. Gaude, felix Barbara,

Virgo, martyr Christi,
Mundum, mortem, tartara,

Satanam vicisti,
Nam dum consolamina

Sponsi percepisti,
Cuncta cruciamina

Praesidis sprevisti.

2. Qui mox de lateribus
Tuis laniari
Carnes et lampadibus
Vulnera flam mari,
Caput tuum malleo

Iussit vulnerari
Pectusque virgineo
Uberi truncari.
3. Nuda circumduceris,
Sed miraculose
Candida mox tegeris

Stola gloriose,
Mortis ad supplicia

Te spectaculose
Manus patris propria
Traxit furiose.

4. Vale, mitis Barbara,

Mitis spes tuorum,
Prece nobis praepara

Praemia caelorum,
Quae in vitae termino

Tibi devotorum
Impetras a Domino

Veniam malorum.
5. Veni, o pulcherrima,

Audis, invitata
Patris ad lectissima

Tibi praeparata
Tecum in cubilibus,

Sponsa mihi grata,
Teque istis mercibus

Caelieis dotata.
6. Post haec patris proprii

Manu decollaris,
Laureo martyrii

Serto coronaris,
In superna gloria

Christi collocans
Et nunc ab ecclesia

Digne veneraris.