62. De sancta Barbara.

1. O Christi martyr pia,
Barbara, caeli via,

Nomen sanctae trinitatis
Mundo corde honorasti,
Regna mundi refutasti

Ac nutum paternitatis.

2. Simulacra falsa spernens,
Veritatem Christi cernens

Nec non iudicis praeceptum,
O quam dire vulnerata,
Laesa, spreta, verberata

Ob patris sui contemptum.

3. Ad despectum denudata,
Per angelum praeservata,

In turri laeta consolata
A Christo, vulnere sanata,
Post haec varie trucidata,

Tandem a patre decollata.

4. Eia, quae nunc es cum sponso,
Quem duxisti in absconso,
Quem iam palam contem-
plaris,
Virgo pulchra et decora,
Iesum Christum mortis hora
Tu pro nobis deprecaris,

5. Ut nos suis dignis donis
Corporis et unctionis

Melliflue satiemur
Et a diaboli fraude,
Visu et mundana laude

Protegamur et salvemur.