64. De sancto Benedicto.

Iesu Christi Domini

Confessor pretiose,
O beate Benedicte,

Tu pater gloriose,
5. Dux monachorum inelite,

Decus et forma vitae,
Salus et refugium

Tibi famulantium rite,
Benignus vota suscipe
10. Devote deprecantis,
Tui indigni famuli

Ad te nunc clamantis.
Exora Dominum pro me

Cum omnibus beatis,
15. Ut me solvat a crimine

Et a cunctis peccatis,
Quibus iram merui

Domini creatoris,
Cum praecepta non tenui
20. Benigni salvatoris,
A. cuius sancta gratia

Me miserum elongavi,
Dum vana mundi perditi

Acrius amavi.
25. Sed quid mihi proderit

Vanitas mundi huius,
Dum ipse mundus deperit

Et concupiscentia eius,
Et cum finis venerit
30. Mortalis meae vitae,
Denique mea omnia

Remanent in lite,
Substantia mortalibus,

Caro vermibus datur,

35. Secundum sua merita

Anima iudicatur,
Et cum iudex omnium

Iratus adventabit,
Cunctorum facta hominum
40. Districte iudicabit.
Quid tunc miser faciam

Vel quid dicturus ero,
Dum nihil boni proferam

Tam iudici severo?
45. Ergo, sancte (pater) Benedicte,

Ad te clamito reus,
Fac, ut per tua merita

Misereatur (mihi) Deus,
Ut digne mea delicta
50. Valeam deflere,

Spiritus sancti gratiam

Merear obtinere,
Per quam tu ad patriam

Aeternam pervenisti,
55. Dum cuncta mundi infima

Libere sprevisti,
Parentes et patriam,

Divitias spernendo,
Vitam solitariam
60. Sollicite quaerendo.
Tandem in solitudine

Per triennium mansisti,
Ieiuniis, vigiliis

Corpus affecisti.
65. Exinde te Dominus

Extulit in honorem,
Dum te patrem monachorum

Effecit et doctorem,
Quos ut fideles Moyses

70. Legem docuisti,

Dum sanctitatis regulam

Eis edidisti,
Quam tu per omnia digne

Primum perfecisti.
75. Miraculorum insigniis

Clarus hic fuisti ;
Iam gaudes aeternaliter

In caeli comitatu,
Me miserum respice
80. In hoc incolatu,
Inimicos repelle

Mihi insidiantes,
Casus malos amove

Mihi imminentes,
85. Gressus meos dirige

In via salutis,
Ut exsequi merear

Opera virtutis.
Tua grata gratia
90. Pro me preces fundat
Ad Mariam virginem,

Ut pro me intercedat
Apud suum filium,

Benignum salvatorem,
95. Ut animae et corporis

Sanet languorem,
Mortis in examine

Me velit visitare,
Corpus suum et sanguinem
100. Dignetur praestare
Et post hoc exsilium

Ad caelum perducat,
Deus qui per saecula

Vivit atque regnat.