68. De sancta Birgitta.

1. Gaude, sponsa gloriae,
Nova lux ecclesiae,

Brigitta beata,
Perduc nos ad gaudia
Summaque palatia

Prece tua grata.

2. Gaude, cui Christus plura
Revelavit et futura

Dedit quoque cernere,
Huius mundi nobis vanam
Da fallacem et insanam
Semper pompam spernere.

3. Gaude, felix reparatrix,
Vinearum adornatrix

Nec non et ecclesiae,
Mentes nostras tu repara,
Ut in aula caeli clara

Summae iungamur gloriae.

4. Gaude, Dei sponsula
Dives et paupercula

Virtutibus impleta,
Tuam catervam protege
Atque labentes erige

Dans gaudia quieta.

5. Gaude, soror angelorum,
Cuius pater saeculorum

Verbis dat credentibus
Sceptrum pulchrum in mer-
cedem
Et praeclaram poli sedem
Regnis in caelestibus.

6. Gaude, sponsa tam beata,
Iam in caelo collocata

Sentis semper dulcia,
Iam nos trahe sine mora,
Angelorum omni hora

Ubi sonant cantica.

7. Gaude, nova stella maris,
Nos ad portum pulsis malis

Perduc[as caelestium]
Et in mundo constitutis
Sis adiutrix, fons virtutis,

Praesens post exsilium.