73. De sancta Caecilia.

1. Gaude nunc, Caecilia,
Summi regis filia,

Praedita virtute,
Quia mundi vilia
Contempsisti gaudia

Tu a iuventute.

2. Gaude, coniunx, vidua,
Virgo nam assidua

Luce sociaris
Viduis, coniugibus
[Simul et virginibus]

Quibus copulans.

3. Gaude, nam ad gratiam
Sponsi conscientiam

Tui deduxisti,
Cum illum idolorum
A cultura profanorum

Purgandum misisti.

4. Gaude, nam vernantibus
Liliis florentibus

Ac rosis ornaris,
Cum per Christi angelum
Intrantem cubiculum

Iussu coronaris.

5. Gaude, nam te balnei
Vis ferventis ignei

Dimisit splendere
Sic, quod nulla laesio
Carnis aut adustio

Valuit patere.
6. Gaude, nam hinc passio,
Tu ter icta gladio,

Martyr, adimpletur,
Dum a te plebecula
Triplici diecula

[in fide] docetur.

7. Gaude, quia vivere
Nunc cum iustis crederis

Regis in curia,
Ad quam nos dirigere
Digneris et recipere
Mortis a furia.