74. De sancto Christophoro.

1. Tu Iesus es testis: ubi Christophorus memoratur,
Vis famis aut pestis, mala mors ibi non dominatur.
Non homo nec pecora quaevis subeunt graviora,
Hoc dedit absque mora Christus sibi mortis in hora.

2. Christophori speciem quacunque die reverens,
Certus habeto diem, subito quod non morieris,
Christophori sancti speciem quicunque tuetur,
Illo nempe die nullo languore tenetur.

3. Pensa, qui transis, tu Christophoro pius an sis,
Si non, fac, ut sis, ipsum venerando fidelis.
Martyr Christophore, pro salvatoris honore
Fac nos mente fore dignos deitatis amore.

4, Promisso Christi quia, quod petis, obtinuisti,
Da populo tristi bona, quae moriendo petisti,
Confer solamen et mentis tolle gravamen,
Iudicis examen fac mite sit omnibus. Amen.