83. De sancta Dorothea.

1. Fulta fide Dorothea,
Iudicem Fabricium
Non formidas, sed ut bea-
ta spernis eloquium,
Insultante gente rea
Non horres supplicium.

2. Verbis blandis tunc conatur

Te, virgo, seducere,
Nec promissis superaris

Nec terreris verbere,
Compediris, obserraris

Taetro clausa carcere.
3. Vas liquoris aestuantis

Athleta ingrederis,
Sed virtute hoc tonantis

Fervore non laederis,
Post haec plagis tot et tantis,

Clara vultu, cacderis.

4. Carne sancta lacerans,

Fluit unda sauguinis,
In mamilla concremaris,

Furit ira praesidis,
Fuste caesa decollaris,

Iungeris mox caelicis.
5. Imminente passione

Virgo haec interserit:
Assequatur, Iesu bone,

Quod a te petierit,
Suo quisque in agone,

Mei qui meminerit.
6. Dorothea, sponsa Christi,

Pro sponso humiliter
Quae tormenta pertulisti,

Peto nunc suppliciter,
Tutrix sis a clade tristi

Hic et aeternaliter.

7. Gloria sit, Iesu bone,
Tibi nunc et iugiter,
Qui certantes in agone

Adiuvas fideliter
Et mercedem das coronae
Vincenti viriliter.