85. De sancta Dorothea.

1. Gaude, virgo Christi grata,
Dorothea, sic vocata
Disponente Domino.

2. Gaude, virgo gloriosa,
Dorothea speciosa
Deitatis gratia.

3. Gaude, virgo te quaerenti
Et sincere diligenti
Iuncta das tripudia.

4. Gaude, dulcis advocata,
Caeli serto coronata,
Ardens o carbuncule.

5. Gaude, splendens pulchritudo
Virginumque claritudo
Ad instar carbunculi.

6. Gaude, virtutum area,
Urbe nata Caesarea,
Tu a me pelle vitia.

7. Gaude, maestis consolamen
Miserorum et velamen
In saeclo naufragantium.

8. Gaude, decus humilium,
Mihi confer auxilium

Et pro me ora Dominum.

9. Gaude, cuncta impetrasti,
Idus ensis dum sperasti
Sub praefecto Fabricio.

10. Gaude, gentis adiutricem,
Scelerum te assistricem
Sciant mortis in periculo.

11. Christi dona visionem,
Peccatorum tersionem,
Veram cordis compunctionem,

12. Dei matris praesentiam
Tuamque apparentiam.
Duc nos post te ad gloriam.