88. De sancta Dorothea.

Nobilis et iusta, mitis virgo Dorothea,
Dulcis, iucunda, gloriosa, decora, benigna,
Vere cunctorum mediatrix es peccatorum.
Ignibus es assa, pro Christi nomine passa
5. Tempestate, fame, post quinque quater quoque mane
Carueris in tenebris tu, virgo, reclusa teneris.
Post cruce suspensum tenerum corpus laceratum,
Post ferro laesum, virgis flagris quoque caesum,
Pectus, virgo, tuum ardenti face perustum.

10. Oleo perfusa bullienti es, virgo decora,

Fustibus es laesa, virgis plagis quoque caesa.
Es decollata postremo, virgo beata,
Ad caelos isti, cum vita privata fuisti,
Et postulata Christus tenuit tibi rata.

15. Adiutrix digna tu sis mihi, virgo benigna,
Ac advocata, cum sis super astra locata,
Non rogo ditari nec paupertate gravari,
Sed me circumda virtutibus et medium da.
Virgo Iesu Christi, per gaudia, quae meruisti,

20. Per te non sera mihi sit contritio vera.

Peccatis lassis continuo, te precor, assis
Ac delictorum veniam deposce meorum.
A fama ficta me protege tu, benedicta
Virgo, tu sis mihi lux, in itinere tu sis milii dux.
25. Virgo, tuis precibus detur haec protectio laute,
Ut possim mundi transire pericula caute