96. De sancto Georgio.

O Quiritum gloria,
Martyrum victoria,
Ave, lux thronorum,
Ave, dux patronorum.
5. Salve, invicte proeliator,
Orthodoxe propagator,
Inclitus et generosus,
Qui es nulla labe rosus,
Strenuitate praefulcitus,

10. In latria sistens citus ;
O Georgi sanctissime,
Moribus gravissime,
Qui virtute Iesu Christi
Intoxatum ebibisti

15. Et illaesus permansisti,
Hinc magum redemisti.
O rerum spretor mundanarum,

Frivolantur vires quarum,
O quanta luce coruscasti,

20. Virginem dum liberasti
Mortis ab exitio
Fidei et a vitio
Draconem occidendo,
Regem cum suis convertendo.

25. Ex quo nobilissimus equester
Nominaris, sis sequester
Inter me et hos tres hostes,
Ne caeli defendant postes:
Carnem, daemonemque mun-
dum.

30. Fac me iter ire mundum
Et sic me iube militare,
Caelum queam ut intrare
Tuo sub vexillo
Me locans in tranquillo.