106. De sancto Hieronymo.

1. O doctorum doctor, ave
Servulorum imo fave,

leronime, mi domine,
Acceptetur hic benigne,
Quamquam detur laus indigne

De peccatore homine.

2. Si indignus aut peccator,
Non malignus is laudator

Dici queat iuridice,
Nam ut laudet, inquam, reus,
Mori gaudet homo Deus,

Quod creditur veridice.

3. Vermis, rana dam coaxat,
Non spe vana linguam laxat

Cum angelis hymniferis,
Extinctus sic carbo linquo
Extinctos et appropinquo

Carbonibus igniferis.
4. Dat gradum aequalitatis
Mulierum maior natis

Tibi secum in praemio,
Defert sibi considere,
Pari luce refulgere

In paradisi gremio.
5. Quem beatus Augustinus
Ac Cyrillus, vir divinus

Senserunt mirabiliter;
Nec mirandum, quod aequantur
Pugiles, dum praemiantur,

Qui certarunt fideliter.
6. O aurora quam decora,

Stillans rorem, per quem florem

Virtutum concipio,
Deflorere et frondere,
Ferre fructus tuos ductus

Sequens non despicio.

7. Cardinalis ens in Roma,
Spirans lateque theoma

Fers aemulorum furias,
Ad desertum inde gressus
Inhumanas es perpessus

Ibi carnis iniurias.
8. Macerata haec te teste,
Cilicina tecta veste

Nude humo adliditur,
Post squalescens et rarescens,
Nigra pellis de flagellis

Tuae manus inciditur.
9. Quis divinis in doctrinis
Exponendis, transferendis

Et in tot linguagiis
Tam profundus, tam facundus
Et in tota mundi rota

Tantus in suffragiis?

10. Monialis saevis malis

Dum temptatur, obumbratur

Vi tuae imaginis,
Fratrem plane de germanae
Stupri felle quasi velle

Salvas et voraginis.
11. Tremens leo mansuefactus,
Pro medela ad te tractus,

Pedibus provolvitur,
Sumpta cura duratura
Servitute pro salute

Merces tibi solvitur.
12. Claustri muris ruituris
Tis devotam hinc amotam

Solam servas de ceteris,
Extinguis Sabinianum
Blasphemosque, sed Silvanum

Pulchre solvis, dum peteris.

13. Cur, baptistae par, assiste,
In honore qui labore

Es huic comparabilis,
Postulato, ne irato
Iudicante dei nato

Inveniar damnabilis,

14 Dato pie, ut in die
Tam poenali tribunali
Astem securissime,
Hoc adverte, dari certe,
Postulatur quidquid per te,
Rex iubet citissime.

15. Hinc scripturis de obscuris
Intellectum da perfectum

Cum sapore sugere,
Exquisita stare vita,
Motus luxus, bona, fluxus

Et excessus fugere.

16. Esto fortis hora mortis,
Ne in manum duram canum

Ruam infernalium,
Expers luctus per te ductus
Stem in choro praefulgoro

Laudum perennalium.