116. De s. Iohanne Baptista.

1. Iohannes, vos gratiae,

dixistique baptista,
Exaudi me miserum,

caeli citharista,
Mihi fer auxilium,

virtutum sacrista,
Ut sim contra vitia

fortis agonista.

2. Ovans inter viscera

matris exsultasti,
Salvatorem omnium

motu salutasti,
Viam paenitentiae

turbis praedicasti;
Pro me pie supplica

agnum, quem monstrasti.

3. Herodem tu arguis,

quod ius prophanavit
Propter Herodiadem,

ob hoc amputavit
Tuum sanctum verticem;

me, quem vinculavit
Hostis, per te liberet

is, qui me plasmavit.

4. Angelus te nuntiat

patri veterano,
Qui salutem attulit

generi humano ;
Fac, ut sic renuntiem

Satanae profano,
Ut nunquam consilio

me seducat vano.

5. Normam abstinentiae

in te ostendisti,
Mel silvestre commedens

corpus refecisti
Et locustas aridas

cibum tu sumpsisti ;
Me concivem patriae

fac, quam introisti.

6. Natum te ab utero

praedulcis Maria
Mox a terra sustulit,

consolatrix pia ;
Mihi, pater, subveni

in lutosa via,
Ut cum sanctis perfruar

caelesti harmonia.

7. Eliam te nominat

Iesus benedictus,
Camelorum de pilis

te texit amictus,
Cum zona pellicea

parcus tibi victus ;
Fac, quod me non superet

Satan maledictus.

8. Summe natorum omnium

et mundi lucerna,
Clientem me supplicem

tuum hic guberna,
Cuncta me fac plangere

crimina veterna,
Ne amittam gaudia

in caelis aeterna.