118. De s. Iohanne Baptista.

O Iohannes gloriose,
O baptista generose,
O martyr beatissime,
Eremita sanctissime,
5. Plus quam propheta diceris
Angelusque praedicaris,
Fulges prae sanctis ceteris.
Indigno famulo tuo
Ne despice vota, quaeso,

10. Nam postDeum et post matrem
Te elegi mihi patrem.
Illi sunt te sanctiores,
Sed tu post illos prior es,
Quem prae ceteris diligo,

15. Quem frequentius invoco.
Suscipe me in filium,
Ne repellas me miserum,
Impetra mihi gratiam,
Ut spernam mundi gloriam,

20. Dulcescat paeDitentia,

Placeat sanctimonia.
Cor meum do et animam
Sic in tuam custodiam.
Custodi me a peccatis,

25. Ne iudicer cum damnatis.
In mei transitus hora
Pro me, precor, Deum ora.
Praesentandus coram rege,
Qui me habet iudicare,

30. Advocatum te habeam
Sustinendo causam meam.
Me, parentes et amicos
In manus tuas commendo,
Fiat, ut tuis meritis

35. Gaeli fruamur gaudiis
Praestante haec paraclito,
Qui cum patre et filio
Vivit atque regnat unus
Per cuncta saecula Deus.