ARTICULUS I.

An Angelis insit liberum arbitrium ?

Ad primum proceditur sic :

i. Dicitur in libro II Sententiarum, quod " liberum arbitrium inest Angelis, quod est libera inclinandae voluntatis sive ad bonum sive ad malum facultas . "

2. Item, Anselmus in libro de Libero arbitrio dicit, quod " liberum arbitrium inest Deo, et Angelo, et homini. "

. 3. Item, Remigius : " Omnis creatura rationalis est arbitrio libera. " Damascenus idem et Augustinus. Ergo liberum arbitrium inest Angelis.

4. Item, Nullum opus laudabile vel vituperabile est, nisi sit liberi arbitrii : sed Angeli opus est laudile et vituperabile : ergo habet liberaui arbitrium. Contba :

1. Liberum arbitrium cognoscitur ex inflexione ad bonum et malum : inflexio ad bonum et ad malum non est in Angelis : quia tantum volunt bonum vel tantum malum : ergo non est in eis liberum arbitrium.

2. Si forte dicatur, quod inflexio illa inest eis per naturam, licet per gratiam et malitiam sint confirmati. Contra :

Dicit Philosophus, quod intellectus semper est rectus . Cum igitur in Angelis non sit nisi intellectus, erit igitur semper rectus.

Solutio, Dicendum, quod liberum arbitrium est in Angelis, sicut primae auctoritates probant, et secundum naturam potest inflecti ad oppositum : secundum dispositionem autem advenientem confirmatur et determinatur ad alterum, sed ad neutrum cogitur.

Et per hoc patet solutio ad primum.

Ad aliud dicendum, quod intellectus semper est rectus quantum ad rationem ex qua movet : quia movet ex universalibus et his quae sunt simpliciter et ubique, et non ex particularibus quae sunt hic et nunc, in quibus est deceptio : sed non est necesse, quod electio sequatur intellectum : quia contingit hoc eligere quod non determinavit intellectus, si eligentia deficiat ab immutabili bono.