ARTICULUS L

De casu daemonum. An superiores vel inferiores ceciderint ?

Ad. primum horum proceditur sic : 1. Dicit Gregorius in homilia super illud, Accesserunt ad Jesum publicani, etc. , tractans illud verbum : Tu signaculum, similitudinis, plenus sapientia, ei perfectus decore : in deliciis paradisi Dei fuisti , dicit sic : " Notandum, quod Angelus non ad similitudinem Dei factus, sed signaculum similitudinis Dei. dicitur : ut quo in eo subtilior est natura, eo in illo imago Dei. similius insinuetur expressa. Quo in loco mox. subditur : Omnis lapis pretiosus operimentum tuum : sardius, topazius, et jaspis, chrysolithus, et onyx, et berillus, et sapphirus, et carbunculus, et smaragdus,

Ecce novem dixit nomina lapidum : quia profecto novem sunt ordines Angelorum, quibus nimirum ordinibus ille primus Angelus ideo ornatus et opertus exsiliit, quia dum. cunctis agminibus Angelorum praelatus est, ex. eorum comparatione clarior fuit . "

2. Item, In Isaia super illud. : Quomodo cecidisti de caelo, Lucifer, qui mane oriebaris ? Dicit Glossa Dionysii : " Diabolus in exordio mundi creatus, inter Angelos gloriosior.."

3. Hoc idem videtur per rationem : quia in cOElum Trinitatis ascendere et esse similis Deo altissimo concupivit nimis, ut dicit Augustinus, delectatus in propria pulchritudine : in tantam autem altitudinem non extolleret parva pulchritudo : ergo videtur, quod ex superioribus fuerit.

Sed contra :

1. Damascenus in libro II de Fide orthodoxa : " Ex angelicis virtutibus ea quae praeerat terrestri ordini, et cui terrae custodia commissa a Deo erat, non natura mala facta est, sed bona existens et

a bono facta, et nequaquam in seipsa a conditore malitiae semitam habens, non ferens illuminationem et honorem quem ipsi conditor largitus fuerat, libera voluntatis potestate demutata est ab eo statu qui. secundum naturam, in eum qui contra et praeter naturam est . " Ex hoc accipitur, quod Angelus cadens de inferioribus fuit : secundum ordinem enim hierarchiae superiores Angcli non praesunt terrestri ordini.

2. Item, Videtur quod quidam fuerint de superioribus, et quidam de inferioribus, et quidam de mediis : quia ita dicit communis sententia, quod non unus chorus ceciderit, sed de quolibet choro ad proportionem unius, secundum quod etiam assumuntur homilies.

3. Item, Apostolus nominat quosdam de media hierarchia, ad Ephesios, VI, 12, dicens : Non est nobis colluctatio adversus carnem et sanguinem, sed adversus principes et potestates, adversus mundi rectores tenebrarum harum.

Solutio. Dicendum, quod Augustinus tangit hanc quaestionem in libro XI super Genesim ad litteram , et contemnit eam : eo quod neutra pars sufficienter probari potest. Secundum tamen quosdam sanctos et doctores modernos de quolibet ordine quidam ceciderunt, infer quos fuit unus excelsior, de quo propter pulchritudinem suam in Job dicitur, quod ipse est principium viarum Dei , et Lucifer appellatur in Isaia , et signaculum similitudinis Dei in Ezechiele ''

Quod ergo objicitur de Damasceno, quod terrestri ordini praeerat, dicendum quod non praefuit ut minister immediate ministrans circa terrena, sed ut per quem descendunt illuminationes ad ordines mediae et infirmae hierarchiae, quae praesunt terrestribus.

Ad id autem quod objicitur, quod secundum numerum cadentium assumuntur homines, dicendum, quod homines assumuntur in quemlibet ordinem Angelorum. : sed hujus assumptionis non. est causa restauratio ruinae angelicae : quia si Angelus non cecidisset, adhuc homo fuisset glorificatus et assumptus secundum diversitatem ordinum : et propter hoc non tot tantum assumuntur, quot Angeli ceciderunt, sed multo plures. Licet autem casus non sit causa assumptionis hominum, tamen ex assumptione hominum consequitur restauratio ruinae Angelorum.