119. De s. Iohanne Baptista.

O Iohannes gloriose,
O baptista generose,
Fervens praeco veritatis,
Virgo sanctae castitatis,
5. O martyr beatissime,
Eremita sanctissime,
Plus quam propheta praedicaris
Angelusque nominans.
O magister prophetarum,

10. Inter natos feminarum
Maior te nullus surrexit,
Deus te summe dilexit
Et replevit virtutibus,
Ut exemplar sis omnibus.

15. Tu viam humilitatis
Tenens et asperitatis,
Vestem portans camelorum
Primus martyr es sanctorum.

O pater benignissime,

20. O Iohannes dignissime,
Qui tantis privilegiis
Sanctis fulges prae omnibus
Me custodi a peccatis,
Ne condemner cum damnatis.

25. Corpus meum et animam
In tuam do custodiam.
In meae mortis hora
Deum pie pro me ora
Et tempore iudicii,

30. Precor, recordare mei
Et pro me pius assistas
Ad impetrandam gratiam,
Non ut secundum merita
Condemner ad supplicia,

35. Sed tuis sanctas ineritis
Caeli tunc fruar gaudiis.