120. De s. Iohanne Baptista.

O Iohannes gloriose,
O Iohannes gratiose,
Hoc nomine te vocavit
Angelus, cum nuntiavit
5. Zachariae nasciturum
Infantem magnum futurum.
Ille, quia non credidit,
Statim loquelam perdidit,
Sed te nascente soluta

10. Fuit eius lingua muta.
Tu priusquam esses natus,
Fuisti sanctificatus,
Salvatorem agnovisti
Tu, in quantum potuisti,

15. Adhuc alvo matris clausus
Es honore prosecutus.
Helisabeth hoc testatur
Dicens, quod infans laetatur
In eius clausus utero

20. Assurgens Iesu parvulo.

In annis puerilibus
Iam viluit tibi m??dus

Eius gloriam sprevisti,
In desertum cum fugisti,

25. Mel silvestre et locusta
Fuit cibus, potus aqua,
Cui camelus indumentum,
Pellis omne strophium.
Pretiosum corpus Christi

30. Baptizare meruisti,
Agnum Dei in aperto
Monstrasti digito sancto.
Tu es, cui testimonium
Praebuit Deus omnium,

35. Inter mulierum natos
Nemo te surrexit maior.
O martyr beatissime,
Eremita sanctissime,
Plus quam propheta diceris

40. Angelusque praedicaris.
Tu, qui tot privilegiis
Fulges prae sanctis ceteris,
Indigni tui famuli
??? quaeso, ne respuas.

45. Heu, peccator et immundus
Assim tua prece mundus,
NampostDeum etpostmatrem,
Te elegi mihi patrem.
Illi sunt superiores,

50. Sed post illos tu prior es,
Quem prae ceteris diligo
Et frequentius exoro.
Suscipe me in filium,
Ne repellas me miserum,

55. Impetra mihi gratiam,
Mundi spernere gloriam,
Dulcescat paenitentia,
Placeat caerimonia,
Et claustralis religio

60. Non sit mihi fastidio.
Corpus meum et animam
In tuam do custodiam,

Libera me a peccatis,
Ne iudicer cum damnatis.

65. In mei transitus hora

Pro me Deum, precor, ora,
Praesentandus coram rege,
Qui me habet iudicare,
Advocatum te habeam

70. Sustinentem causam meam
Adversus hostem impium,
Meae salutis invidum.
Me, parentes et amicos
In manus tuas susceptos

75. Fac sanctis tuis meritis
Caeli frui deliciis,
Hoc praestante flatu sacro,
Qui cura patre et filio
Vivit et regnat Dominus,

80. Deus per saecula trinus.