123. De s. Iohanne Evangelista.

1. Iohannes, Christo proximus

Natura corporali,
Amore, sicut legimus,

Dilectus speciali,
Mariae custos intimus

Cum cura filiali.
2. Odivit praesens saecnlum

Et coniugis amorem,
Parentem, domum, populum

Piscandique laborem,
Professus se discipulum,

Sectatur salvatorem.
3. Hic aeva pudicitia

Est virgo decoratus,
De vivi fontis copia

In cena debriatus,
Ut aquila caelestia

Est clare contemplatus.
4. Ad Christum multas animas

Convertit praedicando,
Hinc passus poenas plurimas

A populo nefando,
Flagella, minas, lacrimas

Devicit tolerando.

5. Non regi cessit impio

In oleo combustus,
Legatus in exsilio

In Christo fit robustus,
Nec famis, sitis taedio

Cessavit esse iustus.
6. Necato liber Caesare

Ad suos remeavit,
Miraculorum iubare

Haereticos prostravit,
Doctrinae sacrae nectare

Fideles roboravit.
7. Expleto cursus tempore

Coronam recepturus
Descendit sano corpore

In fossam moriturus,
Ut mundus est facinore,

Permansit sorde purus.
8. Senator apostolice,

Amice maiestatis,
Devotos tuos respice

Defendens a peccatis,
Ad civitatem caelicae

Nos perduc claritatis.