125. De s. Iohanne Evangelista.

1. Salve, proles Zebedaei,
Tonans tuba terna Dei
Personans praeconia;
Salve, care salvatoris,
Qui amoris amplioris
Obtines insignia.

2. Certe mire te dilexit,
Qui de cruce te respexit,

Cum efflaret spiritum,
Atque matris amorosae
Designavit dulcorosae

Patrem atque filium.

3. O quam purum, Iesu pie,
Ipsum sentis, quem Mariae

Delegas custodiae,
Huic pectus das in cena,
Ipsum servas sine pona

Mortis in examine.

4. Ergo, care Iesu Christi,
Qui dolorem induisti

In planctu salvatoris,
Me dolentem confortare,
Pro me maestum memorare

In istis, precor, hom.

5. Propter plagas tam ingentes,

Quas tu fiebas adfluentes

A tam dulci corpore,

Pelle plagas meae mentis,

Tolle, quidquid ibi sentis

Maculatum crimine.

6. Et qui sacra degustasti,
Dum in cena reclinasti

Salvatoris pectore,
Fac, ut praesens mea vita
Ex hoc nunc sit stabilita
Christiano foedere.