131. De sancta Katharina.

O Katharina regia,
Virgo nimis egregia,
Speciosa, amabilis,
Generosa, laudabilis,
5. Virgo Christi castissima,
Sponsa eius dignissima,
Mihi esto propitia,
Quem multa gravant vitia.
Mihi, quaeso, compatere,

10. Ad te compellor fugere,
Per me non possum surgere,
Tu manum mihi porrige.
Vide meam miseriam
Et peccatorum veniam

15. Mihi confer per gratiam
A Deo tibi traditam.
Qui tibi sapientiam
Donavit et potentiam,
Qua rhetores convincere

20. Potuisti celerrime

Et ad Deum convertere
In crucifixi nomine ;
Hos ad caeli palatium
Praemittis per martyrium.

25. O invicta constantia,

Blanda vincens et aspera,
Quam non mulcet blanditiis
Nec deterret suppliciis
Imperator Maxentius

30. Te caedens scorpionibus.
Hinc tenebrosi carceris
In profundo detruderis,
Fame, siti et frigore
Maceranda cotidie.

35. Hinc te columba candida
Refovebat interea
Carceris fugans tenebras,
Dum dapes defert caelicas.
Cnm te regina visitat,

40. Christus eam illuminat,
Quae cum duce Porphyrio
Coronatur martyrio.
Duces quoque mox milites
Ducenti fiunt martyres,

45. Quorum felix victoria
Tua laus est et gloria.
Post hoc visus est Dominus
Cum caelorum agminibus,
Turba stipatus virginum,

50. Hoc tibi dans solacium:
Agnosce tuum, filia,
[Actorem], pro quo gravia
Suscepisti certamina,
Constans esto per omnia.

55. Tecum sum in exsilio,
Nunquam ego te desero.
O quam magna consolatio
Haec sponsi fuit visitatio.
Bis binae fiunt machinae

60. Rotarum accutissimae,
Quas spernens oras tacite,
Et mox solvuntur turbine;
Et de plebe incredula,
Quae stabat ad spectacula,

65. Quattuor perdit milia
Manus vindex angelica.
Post hoc factum miraculum
Turba gaudet fidelium,

Grex terretur incredulus,

70. Mente dolet Maxentius.
Cum se vinci a femina
Vidit immitis bellua,
Capitali sententia
Te plecti iubet, domina.

75. Tamen ante martyrium
Preces fundis ad Dominum
Pro cunctis, qui memoriam
Tui agunt mellifluam.
Exauditur oratio

80. In caelorum palatio,
Vox tibi mandat caelica,
Impetrasse te omnia.
Hinc grates agens Domino
Cervicem subdis gladio

85. In crucifixi nomine

Lac effundens pro sanguine.
Corpus sumentes angeli
Condunt in monte Sinai,
Ex quo destillat oleum

90. Infirmis saluberrimum.
Ubi Deus innumera
Per te fecit miracula,
Sic [et] per orbis climata
Tua laudantur merita.

95. O viva Christi hostia,
Katharina sanctissima,
Tua sit mihi passio
Peccatorum remissio.
Tua meae dilectio

100. Sit animae refectio,

Iugis commemoratio
Sit mortis reparatio.
O virgo, sole pulchrior
Et omni melle dulcior,

105. Fac, ut tua memoria
Sit mihi perpes gloria.
Exaudi haec precamina
Mea delens peccamina,
O virgo potentissima,

110. Post Mariam dulcissima.
O Maria, flos virginum,
Mitem fac mihi Dominum,
Tuum que Dei filium
Per Katharinae mertium.

115. Katharina, archangeli
Pro me rogent et angeli,
Apostoli et martyres,
Confessores et virgines,
Cuncta caelorum agmina,

120. Ut pro me rogent, impetra,
Cum quis in sponsi gloria
Felix vivis per saecula.
O Christe, salus unica,
Qui de carne virginea

125. Pro me nasci dignatus es
Et mortem crucis passus es,
Sis Katharinae precibus
Mihi semper propitius,
Post huius vitae terminum

130. Aeternae confer praemium,
Cum patre et sancto flamine
Qui regis sine tempore.