133. De sancta Katharina.

1. Sponsa Christi, Katharina,

Costi regis filia,
Huius mundi pretiosa

Esse probans vilia,
Rubens martyr inter rosas,

Candens inter lilia,
Virgo, prece sponso tuo

Tu me reconcilia.
2. Sit concessa mihi per te

Castitatis gratia,
Ne obfuscet lumen cordis

Carnalis lascivia,
Semper mundum me conservans

A mundi fallacia,
Mundo calle fac transire

Falsae vitae spatia.

3. Christi sponsa generosa
De regali genere,
Christi virgo speciosa
Fide, forma, facie,

Christi martyr gloriosa,

Fundens lac pro sanguine,
Christi gemma pretiosa,

Es potita foedere.
4. Ora pro me sponsum tuum,

Summi regis filium,
Ut inspiret in cor meum

Salutis consilium,
Et in verbis et in factis

Mihi sit auxilium,
Ne me ducat pro delictis

Hostis in exsilium.

5. Quisquis tuam passionum

Tenet in memoria,
Te pro eo exorasse

Testatur historia,
Tu me serva in hac vita,

Pro tua victoria,
Ut gaudere tecum possim

In aeterna gloria.