135. De sancta Katharina.

1. Karismalis Dei cella,
Virginalis tu puella

Digne appellaberis,
Amorosa, veneranda,
Virtuosa, exaltanda

Iuste praedicaberis.
2. Trinitatis insignita
Diva luce margarita,

Martyr, virgo regia,
Honestate gratiosa,
Castitate gloriosa

Formaque egregia.

3. Ex amore es electa,

Summa morum es perfecta

Plena sapientia,
Regi regum desponsata,
Piis cunctis multum grata,

Praedita clementia.
4. Insignis tu generosa
Atque nimis speciosa,

Candens velut lilium,
Nobis patrem fac placatum.
Sacrum flamen, Dei natum

Virginis et filiam.

5. Ad superna Dei dona
Ac aeterna caeli bona
Duc nos, decus virginum.