139. De sancta Katharina.

1. Ave, venerabilis

Virgo Katherina,
Omnibus laudabilis,

Haec tibi propina
Pro me sit et clericis

Et cunctis litteratis
Et omnibus christicolis,

Quos iunge cum beatis.

2. Memor sis martyrii,

Quod sustinuisti
Ob amorem nobilis

Sponsi tui Christi,
Statim quando corpus est

Capite decollatum,
Tunc fuit per angelos

Sinai translatum.

3. Ex quo sanctum oleum

De tua tumba manat,
Quod ibi sine termino

Minime emanat,
Ibi et infirmitas

Per oleum curatur
Quaelibet, in Domino

Si firmitas credatur.

4. Nobilis huius olei

Tribue liquorem,
Ut possimus [effugere]

Quemlibet pudorem
In anima et corpore,

Ut simus securi
Post vitae huius terminum

Ad te transituri.