145. De sancta Katharina.

1. Serium tibi plectitur,
Auri filo nectitur
Flore fronde comitur,
Prona mente promitur
Tuae laudi consonum.

2. Ave, virgo Katharina.
Te dotavit vis divina
Singulari formae dono,

. Grandi castitatis bono,

Te candens decet lilium.

8. Non est in te macula.
Nec sunt in illo iacula

Coloris sorditati,
Hoc ergo sertum vividum
Exornet album lilium

Candoris non foedari.
4. Cerne, virgo, quid adpono,
Tuae sanctitatis dono
Hoc debetur, ut adverto,
Unde tali iungo serto

Nobile solsequium.

5. Tu verum solem es secuta
Et a mandi labe tuta,
Sic flos ille tenet metam
Solis semper ad dietam,
Hocphoebo dansobsequium.

6. Addo plantas floribus,
Gratis cum odoribus

Hysopum inflecto,
Te virens decet hysopus,
Quam bonae famae titulus

Odore pavit recto.

7. Katharina gloriosa,
Dispensatrix operosa,
Quinquagenos oratores
Tu vicisti, quos honores,
Laurus decet inclita.

8. Argumentis quos vicisti,
Hos ad Christum convertisti,
Gaude semper et laetare,
Infideles quae beare
Virtute nosti caelica.

9. Tantae sapientiae
Victricique scientiae

Est gloria promissa;
Hinc est, quod serto florido,
Nunquam futuro torrido

Laurus est immissa.

10. His almis, virgo, floribus
Tam magnisque decoribus
Flos agri mitis iungitur,
Humilitas exprimitur,
Tantae decus gratiae.

11. Ex claris tu parentibus
Divitiis decentibus
Prolata nihil extimas
Vanas gazae copias,
Summae nitens gloriae.

12. Regis dona renuis
Mundique bona fragilis
Prae Christi caritate,
Hinc agri flos humilis
Adponitur prae caeteris
Spreta vanitate.

13. I........

. . .

. . . . . . . .

14. N........

15. A........

. . . . . . . . .

16. Sambucinos virginali
Flores addimus crinali,
Hic in petris saepe crescit
Atque terrae pastum nescit
In fundo virens arido.

17. Uirgo, gaude, carceralis,
Pastu humano privaris,
Duodenisque diebus
Nullus tibi fulsit phoebus
Duro sub ergastulo.

18. Sed non sic, virgo, vinceris,
Affatu Christi frueris,

Qui te confortavit,
Qui te constantem reddidit,
In atro lucem edidit,

Te dulci verbo pavit.

19. C........

20. Indo, virgo, violam,
Tuae laudis servulam,
Hanc viator saepe legit,
Remoratur, dum hanc fregit,
Curas linquens arduas.

21. P......

22. Ecce, rutam nunc adfingo,
Quam ad praesens serium

cingo,
Ruta genus viperinum
Fugat atque serpentinum
Velut pulsum turbini.

23. Hoc te signat, quod mansisti
Ope custodita Christi
Tunc, poenalis quando rota
Fuit a te versa tota
Gentili nocens agmini.

24. O........

25. Componuntur serto rosae,
Quae designant pretiosae
Tuae mortis gloriosae
Memoranti gratiose
Felix hoc mysterium.

26. Cruorem notat rubicunda,
Alba rosa laetabunda
Lac post ensem fusum notat,
Hac te dote Christus dotat
Pudoris ad indicium.

27. Recte gaudes bravio
Munerata caelico

Martyrio completo,
Rosarum nunc fasciculus
Sit nostri serti titulus

Decore multum laeto.

28. I........

. . . . . . .

29. Necto folia cedrina,

Per haec patet vis divina,
Qua tuum corpus, Katharina,
Collocatur monte Sina
Superna per obsequia.

30. Alta cedrus dicitur
Et ob hoc inicitur

Virginali serto,
Nam ad montem tollitur,
Ab angelis conducitur

Iussu Dei certo.

31. Laetare semper et gaude,
Virgo felix, digna laude,
Pace fruens sempiterna,
Vita semper et aeterna
Iuncta Dei filio.

32. Et in terris honorans
Miris satis atque raris
Dei donis fecundans,
Illic gaudes et laetaris
In virginum consortio.

33. A liquore fluido,
Qui corpore virgineo

Modo manat miro,
Aeternam pacem denotans
Oliva praestat remicans

In tui serti gyro.

34. Mille modi flosculorum
Denotantes gaudiorum
Tuorum multiformitatem
Aeternamque felicitatem
Iunguntur huic circulo.

35. Ergo, virgo, iam complexum
Et devota mente nexum
Sertum non materiale,
Sed ex animo mentale,
Pia, clemens, suscipe.

36. Nostras preces accipe,
Affectum mentis recipe

Pro plena factione,
Te diligentes dilige,
Conforta, iuva, dirige

Mortis in agone.