150. De s. Ludovico Alamando.

1. Gaude, praesul sanctitatis,
Inclite Ludovice,
Insignisque civitatis
Arelatis nomine
Cardinalis, deitatis
Praesignite munere.

2. Gaude, pater, caritatis
Fulgens amplitudine

Virtutumque claritatis
Praepollens mirifice,

Donis quippe comprobans
Praestante tunc numine.

3. Gaude, doctor veritatis,
Canonicae sophiae
Atque splendor castitatis,

Zelator iustitiae,
Gemma nostra chericatis
Factus es dignissime.

4. Gaude, quia lux solaris
Te perfudit gloriae,

Ab omnibus veneraris
Miraculorum ordine,

Nunc in caelis collocans
Cum sanctorum agmine.

5. Gaude, stella salutaris,
Lumen fundens gratiae,

Portus viae tutus maris
Praedicaris benigne,

Sic pro nobis deprecaris
Iesum, natum Mariae.