156. De s. Maria Magdalena.

Salve, Magdalena mundo veneranda Maria,

Quam Deus ex imo duxit ad alta poli.
Porta salutis, ave, via vitae, spes miserorum,

Felix peccatrix, hospita digna Deo,
5. Semita iustitiae, pia consolatio lapsis,

Exemplum veniae, lux imitanda reis.
Quae dum maesta pedes Iesu lacrimando lavares,

Mox animae maculas diluit ipse tuae.
Unguentum capiti devota mente dedisti,
10. Unde repletur adhuc mundus odore hono.
Ore, manu, lacrimis, unguento, mente, capillis

Dans holocausta Deo victima tota manes.
Unde resurgentem meruisti prima videre

Christum, discipulis gaudia certa ferens.
15. Qui te pro meritis hodie super astra locavit,

Hic nobis tecum vivere praestet. Amen.