164. De s. Maria Magdalena,

O Maria Magdalena,
Quae quondam fuisti plena
Criminibus universis,
Peccandi modis diversis,
5. Invenisti fontem David,
Qui te omni sorde lavit
Et mundavit a fluente,
Qui sic manat a te flente,
Quando tua mala luis,

10. Apparet oculis tuis,

Per quos fluunt duo rivi
Velut aquae fontis vivi.
Hauri mihi inde potum
Et riga me siccum totum,

15. Ut ille fons pietatis,
Qui te lavit a peccatis
Lavet meum cor obscurum,
Inquinatum et impurum.
O Maria, Dei templum,

20. Paenitentiae exemplum,

Audi me non exprobrantem,
Sed te magis adorantem.
Tu olim, domina mea,
Eras peccatrix et rea

25. Et nosti tuo dolori
Quid expedit peccatori.
Pro me tristi fletum quaere,
Qui non possum paenitere
De tot et de tantis malis.

30. Mihi nullus est aequalis
Fur, meretrix neque praedo,
Non est peior me, ut credo ;
Sed si mea mala vigeat,
Piget me, quia non pigent.

35. O Maria Magdalena,
Sicut fuisti egena
Misericordia Dei,

Obsecro, sis memor mei
Et sicut, domina mea,

40. Ego reus et tu rea,
Fuimus pares in malis,
Fac in bonis sim sodalis.
O solamen miserorum,
Spes et gaudium eorum,

45. Qui perirent, si non esses,
Pro me rogare non cesses.
Tuus doctor fuit Deus,
Utinam et esset meus,
Ut sic possem paenitere

50. Et peccata mea fiere
Sicut tu paenituisti
Flendo mala, quae fecisti.
Tu es illa, quae vidisti
Totam passionem Christi,

55. Captum, ductum, accusatum
Ante Pontium Pilatum,
Sputum, caesum, verberatum,
Clavis, lancea foratum,
Caput spinis coronatum,

60. Nudum in cruce levatum,
Opprobriis saturatum,
Multis spinis oneratum.
Sed propter nostrum peccatum
Ascendit in patibulum.

65. Non est dolor par dolori,
Quando vides eum mori,
Ubi maior vis amoris,
Maior est poena doloris.
Mirum est, quod non partitur

70. Tuum cor, cum sepelitur.
Mortuum videre tamen
Erat aliquod solamen.
Sed tu doluisti multum,
Quando relinquis sepultum.

75. Mox vadis ad institores,
Unguentorum venditores,
Murram et balsamum emis,
Dans in aloes carenis.
Sed tibi videtur parum,

80. Nam si tua esset Roma,
Totam dares in aroma.
Cito ad sepulcrum redis,
Ubi eum fore credis,
Unguere corpus iacentis

85. Cum pretiosis unguentis;
Non est mirum, si terreris,
Cum angelum intueris,
Sedentem albis indutum
Super saxum revolutum ;

90. Obstupescis viso vultu
Et non alio tumultu.
Qui dixit: noli timere,
Surrexit Dominus vere,
Voca Petrum et Andream,

95. Ut eant in Gallilaeam,
Ibi nam videbunt Deum
Omnes credentes in eum.
Sed tu, quem diligis, quaeris
More bonae mulieris,

.00. Perscrutaris monumentum
Et miraris non inventum.
Non inventum quaeris rursum

Et inferius et sursum,
Tantum quaeris et quaesisti,

105. Donec illum invenisti.

Sed inventum non cognoscis,
Unde ab eodem poscis:
Tulerunt Dominum meum;
Si tu sustulisti eam,

110. Dic mihi, et ego tollam
In brachiis et in collum.
Iesus pius voce pia
Respondit tibi: Maria
Hoc est multum bonum omen,

115. Quando audis tuum nomen.
Citius ad illum vadis
Et ad pedes eius cadis
Credens et adorans eum
Sicut Dominum et Deum.

120. Ergo, apostola Christi,

Quae prius Christum vidisti
A mortuis resurgentem,
In vera carne viventem,
Pia, dulcis et decora,

125. Pro me ora, pro me plora,
Ut me servent omni hora
Deus et virgo Maria,
Et non videam infernum,
Sed et gaudium aeternum.