165. De sancta Martha.

1. Gaude, Martha laudabilis,
Prosapia spectabilis,
Moribus affabilis,
Famulatrix mirabilis,
Dum Deum recepisti.

2. Gaude, virgo eximia,
Quae puero salubria
Sitienti in maria
Submerso tu prece pia
Vitam restituisti.

3. Gaude,quaemagnum draconem,
Ferocem quasi leonem,
Genti danti laesionem,
Per tuam orationem
Mitem fore fecisti.

4. Gaude, fulgens bonitate,
Spe, fideque caritate,
Circumfulta pietate,
Gaudens hospitalitate
Amore Iesu Christi.

5. Gaude, cuius obsequio
Fuit cum Frontone pio
Exercens in officio
Christus verus opilio,
Cui sedule servisti.

6. Tu, quae tot bonis affluis,
Subsidiis continuis
Ora Deum pro famulis
In tua laude sedulis,
Ut non fel Acherontis

Influat, sed mel vivi fontis
Exuberet.