172. De sancto Mauritio.

1. Salve, sancte martyr Dei,
O Mauriti, memor mei
Funde precem,
Ne in necem

Corruam vel crimina.
2. Ave, forma vitae rectae,
O Mauriti, mi dilecte,
Tis cor mite,
Verba vitae

Sunt paradisi flumina.

3. Nexus culpae tu recide,
O Mauriti, nunc me vide,
Cor tu lava,
Ne qua prava

Conetur post perficere.

4. Causa subest te rogare,
O Mauriti, tu scis quare,
Non sum fortis
Et in portis

Mortis cogor sistere.

5. Tibi totus sum devotus,
O Mauriti, sis tu totus
Meus, oro,
Qui nunc ploro,

Quod sum nimis aridus.
6. Et tu meus es patronus,
O. Mauriti, quia bonus
Es tu multum,
Hinc ad cultum

Tis sum semper avidus.