174. De sancto Mauritio.

1 a. O felix legio,

Quae sursum regio
Resplendes diademate,

1 b. Vide me miserum
Supplicem famulum,
Carentem mentis sche-
mate.

2 a. Radicem Veneris
Et omnis sceleris
Tuis depelle precibus

2 b. Et mala cordium,
Tot mentis sordium

Sum plenus culpae faeci-
bus.

3 a. Assiste supplici,
Nequaquam duplici

Sensus et cordis sinulo,

3 b. Sis tutor corpori,
Sis custos animi
Et miserere parvulo.

4a. Per tuam gloriam
Conquiram gratiam
Dei patris piissimi,

4 b. Sim mihi notior,
Christo devotior,
Nato patris altissimi.

5 a. Regentem singula
Cunctaque saecula
Depreceris intentius,

5 b. Effundo lacrimas,
Oro, ne Satanas

In me fremat licentius.

6 a. Orantem Dominus
Audiet comminus,

Cum tu pro me rogaveris,

6 b. Nam multis citius
Is est propitius,

Quapropter mihi faveris.

7 a. Redemptor omnium,
Bonorum hominum
Rogo . . . . .

7 b. Per te suscipiat
Et grata habeat

Has preces atquelacrimas.

8 a. Et scis, quod egeo,
Qui mala sentio

Tam multa sine numero.

8 b. Ergo ne differas,
Sed mihi conferas

Opem, ut dicam gratias.

9 a. In diva facie
Cum mentis acie

Contemplaris feliciter,

9 b. Ego criminibus
Et passionibus

Defoedor multipliciter.

10 a. Non possum surgere,
Nisi porrigere
Dignetur manum Dominus,

10 b. Si tu rogaveris,
Si mihi faveris,
Miserebitur citius.

11a. Ergo tu venias
Sic, ut subvenias,
Conquiram gratiam,

11b. Quam si meruero,
Nihil non potero,
Nam bona quaeque faciam.

12 a. Reorum timeo

Poenam, qoae nimio
Torquet eos supplicio,

12 b. Cum ergo moriar,
Rogo, ne sociar

Damnatis in iudicio.

13 a. O felix anima,

Quae tunc solamina
Persentiet interius.

13 b. Mauriti, venias,
Angorem lenias,
Ne quid fiat deterius.