188. De sancta Rosalia.

1. Ave, flos Rosalia,
Deo dans sponsalia
Silibaldi filia,
Ducis in Sicilia.

2. Quae sub annis teneris
Molles sedes generis
Mutasti cum rigidis
Locis, antris frigidis.

3. Parca sorani, taedia
Fugiens, inedia
Corpus iugi macerans
Et flagellis lacerans.

4. Solo suco germinum
Usque vitae terminum
Caeli rore victitans,
Deo laudes dictitans.

5. Crucifixum gnaviter
Contemplata suaviter
Lacrimis frequentibus
Facie fluentibus.

6. Hinc a caeli pueris
Contigit ut fueris
Saepe blande colite,
Consolari solita.

7. Virginis in gremio
Quasi throni praemio
Vidisti caeli lilium
Considere filium.

8. Cuius ad aethereum
Thalamum, sidereum
Migrasti palatium,
Caelitum solacium.

9. Eia, nunc, Rosalia,
Fac, ut pro Italia,
Sic et nostra patria
Fiat peste libera.