189. De sancto Sebaldo.

1. Adonai Deus, sis

laudabilis in saecula,

In iustis qui tuis

facis mirabilia.

2. Quorum de collegio

pium tu visistasti

Sebaldum, quem miraculis

deinceps decorasti.

3. Christi nam consilia

sequens se negavit,

Quem parens pridem Francia

delicate pavit.

4. Inflammatur pariter

pneumatis ardore,

Eeremum quod petiit

iuventutis flore.

5. Hinc devote visitat

limina sanctorum,

Iungens in itinere

se coetui bonorum.

6. Quibus patientibus

famem ministravit

Et eos tua gratia

pane caeli pavit.

7. Vacuo de vasculo

propinavit merum

Sitienti populo

te Deum laudans verum.

8. Ratisponam veniens

Birro transfretavit,

Ibi vitrum pauperis

confractum reformavit.

9. Verbum Dei praedicans

frequentius auditur,

Haereticus hoc improbans

ad mentum deglutitur.

10. Perculsus ille protinus

veniam petivit,

Consecutus gratiam

incolumis exivit.

11. Sebaldus vir divinitus

ex glacie creavit,

Ad quod necessarius

se ipsum applicavit.

12. Mulieris animum

hic ut revocaret,

Caseum in lapidem

vertit, quod apparet:

13. Caecus quidam oculis

indebite privatus

Per eum fuit pristinae

sanitati datus.

14. A multis pro virtutibus

crebro veneratur,

Humana laus sed penitus

ab eo refutatur.

15. Per spinas et tribulos

iugiter meavit,

Nudos pedes proprio

in cruore lavit.

16. Suae mortis tempore

Nuremberck inivit,

Septembris quartodecimo

Kalendas obivit.

17. Cuius felix anima

per angelos suscepta

Coronam vitae citius

caelestis est adepta.

18. Iumentis ab indomitis

corpus vehebatur

Sorte data, stant et haec

hic, ubi tumulatur.

19. Ex equis et feminam

in super liberavit

Circulus de feretro,

quae cereum levavit.

20. Barba qui delusit hunc

electum, verberatur

In faciem ab eo tunc,

ocello quod privatur.

21. Eis es multis talibus

tu, Deus, visitasti

Sebaldum virtutibus

eumque sublimasti

22. Cum sanctis aeternaliter

in aedibus polorum,

Trinus unus per saecula

qui regnas saeculorum.

23. Ergo nunc suppliciter

te, Deus, exoramus,

Maiestati iugiter

et tuae supplicamus,

24. Ut qui tantam gratiam

beato contulisti

Sebaldo, quem in Nuren-

berck

patronum elegisti,

25. Velis nos defendere

ab universis malis

Tuaeque protegere

divinitatis alis,

26. Ne tentationibus

a Satana vincamur

Et [n] criminalibus

peccatis moriamur,

27. Ut cum bonis operibus

nostra finiatur

Vita et salubrius

a te nobis dicatur:

28. Properate citius

ad vestrum patronum,

Canticum angelicum

cantantes ante thronum.

29. In quo me videbitis

claritate tanta,

Quae non computabitis

qualis sit et quanta.

30. Hoc praesta, Deus genitor,

hoc praesta, unus natus,

Praestet hoc aequaliter,

qui est amborum flatus.

31. Praestet sancta trinitas

solius deitatis,

Ut laetemur iugiter

in aevum cum beatis.