QUAESTIO LVI.

De virtute ministrativa.

Deinde, Quaeritur de virtute ministrativa.

i. Dicit enim Gregorius , quod " Deo ministrant qui ad nos nuntiando exeunt. " Ex hoc accipitur, quod ministrare est ad homines nuntiando exire.

Et cum nuntiare non conveniat nisi Angelis et Archangelis, videtur quod ministrare tantum conveniat illis duobus ordinibus.

2. Praeterea, Cum saepe legantur Angeli exisse operando, quare non dicit, quod ministrare sit ad nos operando exire, sicut nuntiando.

3. Praeterea, Hoc videtur ex ratione nominis : ministerium enim sonat in opus.

4. Praeterea, Videtur quod ministrare non conveniat nisi Virtutibus : quia ita dicit Dionysius in libro, de Coelesti hierarchia,quod " nominatio Virtutum dicit fortem quamdam et incommutabilem virilitatem in omnes secundum earum deiformitatem operationes . "

Solutio. Dicendum:, quod proprius actus et primus pertinens ad. ministerium est nuntiare : opus enim post nuntiationem relinquitur adhuc libero arbitrio quantum ad effectum, et gratiae Dei quantum ad perfectionem : quia (sicut dicit Apostolus) neque qui plantat, est aliquid, neque qui rigat, sed qui incrementum dat, Deus .

Ad primum ergo dicendum, quod nuntiare quaedam specialia propinqua saluti pertinet ad Angelos et Archangelos, ut patet ex supra dictis : sed nuntiare generaliter quocumque modo est actus ministerii. Et dicatur melius secundum Dionysium, quod dona postremorum excellenter superiores habent, sed non e converso : et ideo licet nuntiare conveniat Angelis et Archangelis, tamen excellentius convenit Principatibus et omnibus superioribus ministrantibus. Vel iterum melius dicatur, quod actus ministerii generalis denominatur ab actibus illorum ordinum, qui propinquissime et propriissime se habent ad ministerium, et illi sunt Angeli et Archangeli.

An aliud dicendum, quod Angeli saepe leguntur esse operati circa homines, tamen in ministerio primus actus et generalis non est operatio, sed nuntiatio. Quod enim non sit primus, patet ex hoc quod nuntiatio praecedit opus secundum naturam. Quod etiam non sit universalis, patet ex hoc quod frequenter opus relinquitur libero arbitrio post nuntiationem.

Ad aliud dicendum, quod est ministerium nuntii, et ministerium officiati : et ministerium nuntii est in nuntiando, officiati in operando. Cum ergo secundum Gregorium ministrantes sunt nuntii divinae voluntatis, consistit ministerium in nuntiando potius quam in opeirando.

Ad aliud dicendum, quod non intendit Dionysius dicere, quod Virtutum sit explere quaelibet opera pertinentia ad mi-.nis.teriuiri, sed? tantum ea quae consistunt in ultimo potentiae, et illa vocat ipse operationes secundum earum deiformitatem.