197. De ss. Sixto et Sebastiano.

1. O patroni venerandi,
Recolendi et amandi

Et laude dignissimi,
Sixte et Sebastiane,
Vobis nos et nostra sane

Conservetis optimi.

2. Vestri sumus, non negamus,

Vobis nostra vota damus,

Ceu valemus et laudamus,

Rogantes, quod placeamus

Vobis, pii domini ;

Sixte praesul, alter miles,
Ambo proceres heriles,
Nos peccatis nimis viles
Preces damus, sed exiles,
Audire dignemini.

3. Nos in malo statu sumus
Et deficimus ut fumus,

Iuvate, carissimi,
Et adeste nobis semper
Et salvate nos potenter,
O patroni optimi.

4. Primus pater spiritalis,
Alter tutor temporalis,
Defendatis nos a malis
Confoventes piis alis,
Ut digne laudemini,
O benigni domini.