205. De sancta Ursula.

1. Uirgo prudentissima,

Ursula regalis,
Decorata sanguine

mortis triumphalis,
O clemens, ab omnibus

me defende malis,
Ne unquam me cruciet

flamma gehennalis.

2. Regi praeclarissimo

Britannorum nata
Filioque Angliae

regis desponsata,
Undecim es milibus

virginum dotata,
Cuncta dele crimina

a me perpetrata.
3. Sanctorum reliquias

Romae visitastis
Papamque cum pluribus

sanctis congregastis,
Cum quibus Coloniae

mortem tolerastis
Et ad caeli nuptias

pariter intrastis.

4. Uirgines sanctissimae,

pro me supplicate,
Domini clementiam

mihi impetrate
Atque omne noxium

a me propulsate
Vestroque consortio

me associate.
5. Laudis huius canticum

a vestro conceptum,
Heu, indigno famulo

vobis sit acceptum,
Et a poenis tartari

me per vos ereptum
Gaudeam et gratia

Dei cjrcumsaeptum.

6. Ad vos felicissimas,

angelis aequales,
Suspiro feliciter,

petens, quod larvales
Facies non videam

neque infernales,
Sed per vos possideam

sedes aeternales.