207. De sancta Ursula.

1. O Christi martyr Ursula,

Deo praeelecta,
Quae de stirpe regia

Crederis profecta,
Tu pro Christi nomine

Martyr es effecta,
Mea per te omnia,

Rogo, sint profecta.
2. Tua sancta castitas

Ad te copulavit
Praesules et virgines,

Deus quas optavit,
Sed tyranni feritas

Has martyrizavit,
Christus quas in gloria

Secum collocavit.

3. Hinc te precor, Ursula.

Tua cum cohorte,
Aliquod solacium

Mihi fer in morte,
Contra hostes singulos

Sis tutamen forte,
Ut polorum pateant

Mihi per te portae.
4. O vos almae virgines,

Martyres beatae,
Quae cum ipsa Ursula

Truci morti datae
Estis, non pro crimine

Sed pro castitate,
Mortis in articulo

Vos me visitate.

5. Precor et, ut sentiam

Vestra sancta prece
Largam Christi gratiam

Milii missam de se,
Ut purgari valeam

A peccati faece
Et salvari merear

Ab aeterna necc.