208. De Amore Christi.

1. Si num vis firmare

Iurato foedere,
Quod nil velis amare,

Me solum quaerere,
Promitto plura dare,

Me tibi iungere,
Cuncta bella domare,
Ut possis superare,

Vires tribuere.

2. Imprimis cor consulta,

Quid vis eligere?
Requirunt, ecce, multa

Tuum diligere,
Sed vide, ne sis stulta,

Cura distinguere,
Si sum eligendus,
Cunctisque praeponendus,

Noli me spernere.

3. Ego natura Deus

De patre prodiens,
Ut mundaretur reus

In matrem veniens,
Factus pauper Ebraeus,

In cruce patiens
Patenter demonstravi,
Quod nimis te amavi

Tam magna faciens.

4. Dicas ad amatores:

Quid pro me facitis?
O carnales amores,

Vos me inficitis,
O vos, mundani flores,

Cito deficitis,
O mali suggestores,
Ad aeternos ardores

Vos me conducitis.

5. De me nihil habebis

Nisi solacium,
Nunc modicum censebis

Mentale gaudium,
Post aeterne ridebis

In regno civium,
Beata quae tenetis,
Cum mihi cohaerebis

Intra palatium.

6. Erras, si reperire

Te putas melius,
Totum debet transire

Bonum exterius,
In toxicum redire,

Quod sapit dulcius;
Ergo vitam acquire,
Quae non potest perire

Vivendo sanctius.