210. Dialogus Papae et Mariae V.

Papa.
1. Ave, sacratissima
Dei creatura,
Simul nobilissima,
Digne te natura
Cessit, beatissima,

In partu quae pura
Es, excellentissima
Praesens et futura.

Papa.

2. Beatorum omnium
Virgo praeelecta,
Deum, deorum Dominum,
Generans perfecta,

Cum regina caelorum
Per eum sis electa,

Nobis per te pateat,
Peto, via recta.

Papa.

3. Cuius condicionis sit,

Sexus vel dignitatis,
Qui devotionis causa

Suis pro peccatis
Te matrem invocaverit,

Hunc absolve gratis
Et mansionem sibi da

In regno claritatis.

Papa.

4. De tua pietate

Credo quod nullus desperet,
Qui cum suavitate

Sua crimina defleret,
Et honestati tuae

Semper inhaercret,
Ad hoc omnis homo, peto,

Fortiter laboret.

Maria.
5. Ecce, nullam derelinquo,
De me qui confidit,
Huic ego adpropinquo
Statim, dum elidit
Crimina per gemitum

Vel confitendo scidit,
Illi mea gratia

Peroptime providit.

Papa.
6. Fundamentum fidei
Mater sis decora
Fiduciaque spei

Ultima in hora,
Relicto hoc exsilio

In caelum duci labora
Et coram tuo filio
Pro nobis exora.

Maria.
7. Gratia sum plena
Summi salvatoris,
Egoque regina

Nuncupor amoris,
Omnibus propino

Pocula dulcoris
Et architriclina

In angelorum choris.

Papa.
8. Honor pulchritudinis
Tuae dignitatis
Et decor magnitudinis

Tantae honestatis
Te decet peroptime,

Ut illa cum gravatis
Velis condividere
More pietatis.

Maria.

9. Illi qui a vitiis

Volunt resilire,
Illos in tristitiis

Non sino perire,
Superfluentem gratiam

Illis impertire
Cupio, quod appetant

Iustitiam sitire.

Papa.
10. Raritatis viscera

Nobis demonstrato
Et honestatis munera

Nobis propinata,
Relicto hoc exsilio
Tibi et tuo nato
In caelo collocemur
Iesu Christo dato.

Maria.

11. Leges cum theologia

Hoc de me fatentur,
Canones et melodia

Vobis congratulentur,
Quod animae fidelium

Per me redimentur
Ac infernales poenas

Nullas patientur.

M a r i a.

12. Mater ego facta sum

Propter peccatores,
De quibus forent aliqui

Facti meliores,
Illis sum subsidium,

Qui corrigunt errores
Et multos coram filio

Habebunt honores.

Papa.

13. Nobilis et generosa

Christi imperatrix,
Nobis esto fructuosa

Semper advocatrix,
Humilis, quoque formosa,

Nostra reformatrix
Et in te confidentibus

Sis semper reparatrix.

Maria.
14. O dic mihi, famule,

Es aliquem scrutatus,
Qui postulavit veniam

Et qui sit condemnatus?
Multos cum Theophilo,
Qui fuit desperatus,
Saepe consolata sum,
Cum ipse sit beatus.

Papa.
15. Peccata nostra nimia,
Heu, sunt infinita,
Delicta quoque crimina,

Quae, pro dolor, in vita
Vel contra Deum fecimus,

Te peto, redde quita,
Quae nondum emendavimus,
Tu dele, margarita.

Maria.
16. Quaeso, mi dilecte fili,
Verbis cum sinceris
Funde preces sine mora,

Taliter mederis
Cum dolore cordis

Gemitibusque veris
Vitam contemplativam duc,
Sic mecum semper eris.

Papa.

17. Rebus transitoriis

Difficulter cedo,
Poenis castigatoriis

Invitus carnem laedo
Sed praecellenti gratiae

Tuae tantum credo,
Quapropter tuo filio

Semperque tibi me do.

Maria.
18. Serve, serves mea scripta
Et quae tibi dico,
Licet ego benedicta

Sim, non maledico,
Non postponas Deum tuum,

Ne cum inimico
Tibi merces condonetur
Nunc et in antiquo.

Papa.

19. Tanta virtus, simul fides

De te recitatur,

Illum scio non elides,

Qui de te gloriatur,
Sed a tuo filio

Ille coronatur
Et per tuam dexteram

Post hoc condonatur.

Maria.

20. Vita, dilectissime,

Foret tibi data
Et sensibus, carissime,

Quinis adornata,
Nobilem per animam

Sunt membra decorata,
Custodi hanc a vitiis,

Sic erit Deo grata.

Papa.

21. Xriste, tua loquitur

Mater valde dure,
Licet consoletur me,

Tamen valde pure
Mihi dat intellegere,

Quantae sint pressurae,
Quapropter, Iesu Christe, me

Commendo tuae curae.

Maria.
22. Y, mi fili, mater tua
Loquitur aperte,
Cunctis utriusque sexus

Asserendo certe,
Licet meus natus tuus

Frater sit aperte,
Te non locat cum beatis
Gratis, scias per te.

Papa.
23. Zelus nostrum tu celato,

Christus donet (nos) deflere
Nostra possimus scelera.

Nostrique miserere,
Graviter offendimus

Te, taliter medere,
Nos cum caelorum civibus
Fac caelum possidere.

Christus.

24. Congregando congregabo

Illos, qui fecerant
Mei patris voluntatem

Mihique crediderunt
Et pietatis opera

Quinque compleverunt,
Illos iam certifico,

Quod semper mecum erunt.

Papa.

25. AB hoc qui legerit

Suis pro peccatis
Et gratias exegerit

Matri honestatis,
Ille memor mei sit,

Ut nos cum beatis
Deus collocet simul

In regno claritatis.