214. De Stata Sacerdotali.

1. Viri beatissimi

sacerdotes Dei,
Praecones altissimi,

lucernae diei,
Caritatis radio

fulgentes et spei,
Auribus percipite

verba oris mei.

2. Vos in sanctuario

Deo deservitis,
Vos vocavit palmites

Christus, vera vitis,
Cavete, ne steriles

aut inanes sitis,
Si cum vero stipite

vivere velitis.

AdminBookmark

3. Vos cepistis vineam

Dei procurare,
Quam doctrinae rivulis

debetis rigare,
Spinas atque tribulos

prorsus exstirpare,
Ut radices fidei

possint germinare.

4. Vos estis catholicae

legis protectores,
Sal terrae, lux hominum,

ovium pastores,
Muri domus Israel,

morum correctores,
Iudices ecclesiae

gentium doctores.

5. Si cadat protectio

legis, lex labetur,
Si sal evanuerit

in quo salietur?
Nisi lux appareat,

via nescietur,
Si pastor non vigilet,

ovile frangetur.

6. Vos estis in area

boves triturantes,
Prudenter a palea

grana separantes,
Vos habent pro speculo

legem ignorantes
Laici, qui fragiles

sunt et inconstantes.

7. Quidquid vident laici

vobis displicere,
Dicunt procul dubio

sibi non licere,
Quidquid vos in opere

vident adimplere,
Credunt esse licitum

et culpa carere.

S. Cum pastores ovium
sitis constituti,
Non estote desides
sicut canes muti,

Vobis non deficiant

latratus acuti,
Lupus rapax invidet

ovium saluti.

9. Grex fidelis triplici

cibo sustinetur:
Corpore dominico,

quo salus augetur,
Sermonis compendio,

quod discrete detur,
Mundano cibario,

ne periclitetur.

10. Ovibus tenemini

Vestris praedkare,
Sed quid, quibus, qualiter,

ubi, quando, quare,
Debetis sollicite

praeconsiderare,
Ne quis in officio

dicat vos errare.

11. Spectat ad officium

vestrae dignitatis
Gratiam petentibus

dona dare gratis,
Sed, si cuiquam fidei

munera vendatis,
Incursuros Giezi

lepram vos sciatis.

12. Gratis eucharistiam

plebi ministrate,
Gratis confitemini,

gratis baptizate,
Secundum apostolum

cunctis gratis date,
Solum id, quod fuerit

vestrum, conservate.

13. Vestra conversatio

sit religiosa,
Munda conscientia,

vita virtuosa,
Regularis habitus

mensque gratiosa,
Nulla vos coinquinet

labes criminosa.

14. Nullus fastus deprimat

signum vestrae vestis,
Gravis in intuitu

habitus sit testis,
Nihil vos illaqueet

curis inhonestis,
Quibus claves traditae

regni sunt caelestis.

15. Estote breviloqui,

ne vos ad reatum
Protrahat loquacitas,

nutrix vanitatum,
Verbum, quod proponitis,

sit abbreviatum,
Nam in multiloquio

non deest peccatum.

16. Estote benevoli,

sobrii, prudentes,
Iusti, casti, simplices,

pii, patientes,
Hospitales, humiles,

subditos docentes,
Consolantes miseros,

pravos corrigentes.

17. Utinam sic gerere

curam pastoralem
Possitis et ducere

vitam spiritalem,
Ut, cum exuoritis

chlamydem carnalem.
Induat vos Dominus

stolam aeternalem.