216. De Malis Clericis.

1. Trahunt in praecipitia,

Qui nos tenentur regere,

Si, quae docent salubria,
Pravo deformant opere,

Frui gaudent potenfia
Honoris sine onere.

2. Onus, quod nobis alligant,
Nolunt movere digito,

Hinc est, quod eos diligant,
Qui palpant in abscondito,

Hos a secretis abigant,
Qui terrent vitae merito.

2. Culpa meretur gratiam,

Quam demeretur meritum,

Nam palponum fallaciam
Plus captant aure divitum,

Quam bonorum prudentiam,
Qui dissuadent libitum.

4. Omne cor maerens hodie,

Caput et omne languidum,

Clerus campo licentiae
Vagus et vulgus sordidum

Semen legis et gratiae
Solum condit in aridum.