224. De Patientia habenda in Capitulo.

1. Tu, qui digne vel indigne
Hic fueris proclamatus,

Tam benigne velut igne
Caritatis inflammatus

Respondeas et gaudeas
Tuis culpis emendatus.

2. Pro te Christus accusatus,
Flagellatus obmutuit,

Ad extremum dulce latus
Aperiri voluit,

Ut intrares ad cor eius,
Iter tibi praebuit.

3. Te nunc precor, ne ingratus
Tantis donis sis fraudatus,
Tui memor sis reatus,
Pati semper praeparatus,
Cum pro te sit morti datus
Qui pro se nil meruit.